Egypt Group

منتدى ايجبت جروب عالمك الخاص الكامل والمتكامل بكل جديد ومفيد
 
الرئيسيةالبوابةس .و .جالأعضاءالمجموعاتبحـثالتسجيلالدردشه2دخول

شاطر | 
 

 احدث النكت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
the rock
عضو جديد
عضو جديد
avatar

عدد الرسائل : 19
العمر : 27
تاريخ التسجيل : 12/11/2007

مُساهمةموضوع: احدث النكت   الإثنين نوفمبر 12, 2007 7:06 pm

غبي معدي من امام مزرعة ابقار حب
يعرف ازاي البقر بيتزرع دخل يسال الراجل قاله تجيب شوية سكر وترشهم على
الارض وتاني يوم هتلاقي البقر طلع عمل الغبي زي ما الراجل قاله، صحي تاني
يوم لقى نمل مكان السكر فرح اوي وقال يا حلاوة ده البقر وهو صغير

======================================



مرة واحد راكب حمار فبيعدى على بنزينة لقا ايه لقا ان العربيات كل ما
يتحطلها بنزين تطلع تجرى راح دخل البنزينة وقال للراجل حط للحمار عشرة لتر
بنزين عشان يجرى اول مالراجل حط للحمار بنزين طلع يجرى ويرفس ويتشنج وجرى
بعيد قام الراجل قاله حطلى انا بقى عشرين عشان الحقه

======================================



جماعه ارهابيين أغبياء حبوا يفرقعوا مدرسه حطوا القنبله فى الدور الاول واستخبوا فى الدور التانى

======================================



اربعة أغبياء عملوا عملية اختطاف فخطفوا فتاه واوقفوا تاكسى فسائق التاكسى
قال:التاكسى ده اربعه راكب بس قاموا سابوا الفتاه وركبوا هم

======================================



مره واحد اشترى لمبه مسمار دقها في الحيط

======================================



واحد بلدياتنا وقع من الدور العاشر .. جاله صداع

======================================



حان موعد اختبار المجانين فرسم الدكتور باب مقفول على الحائط واحد ركله والاخر بطحه وضحك

الاخير فظن الدكتور أنه شفى فسألة عما يضحكه فقال له المجنون:المفتاح فى جيبى......."

======================================



مره واحد كسلان محكوم عليه بالإعدام ردما فى حفرة فبيقلوله "نفسك فى ايه
قبل ما نردم؟" راح قالهم "أشرب قالولوه "اطلع اشرب" راح رد وقال "انا لسه
هطلع يا عم اردم اردم!!"

======================================



واحد راح مطعم في فرنسا.كان عايز يطلب شربه قال للجرسون(جارسوه عايز واحد شوربوه) فالجرسون قاله باردون؟ قال الراجل لا سوخنوه

======================================



مره ثلاث نسور بيتراهنوا مين يصطاد أكتر ,النسر الأول راح ورجع فكان
منقاره عليه دم فسألوه النسور التانين الدم ده من ايه قالهم شايفين الصخره
اللى هناك اصطتدت عندها أرنب,فراح النسر التانى ورجع فكان منقاره عليه دم
أكتر فسألوه الدم ده من ايه فقالهم شايفين الشجره اللى هناك اصطتدت عندها
غزاله,راح النسر التالت ورجع مليان دم فى كل حته فى جسمه فسألوه الدم ده
من ايه قالهم شايفين العمود اللى هناك ده قالوا له اه قالهم انا ماشفتوش

======================================



مرة واحد بيقول لمراته "اعملى محشى" فقالت له "ما بعرفش" قلها "ماليش
دعوة" فراح الشغل ورجع لقى السفرة مليانة محشى قلها "مين اللى عمله؟"
فقالت "معرفش" فأشتكى للبواب، البواب رد وقاله "الشقة ديه مسكونة" فقله
"لاياعم أنا هروح شقة حلوان" فطلع الشقة لقى العفش محلول وهو نازل لقى
أربع عفاريت بيغنوا "هنروح حلوان هنروح حلوان"

======================================



واحد غني بيتهته فراح رحله على حسابه مع اصحابه طول السكه قاعد يقول "ن ن
ن" لمل وصلوا قالهم" نسيت الفلوس" فرجعوا طول الطريق قاعد يقول" ك ك ك"
فلما وصلوا قالهم" كنت باضحك عليكم"

======================================



مرة اثنين واحد رزل والتانى تنح الاول قال للتانى علمنى الرزاله قاله اوكى
اتصل برقم قال الحاج حسن موجود قاله لا راح اتصل تانى وقال الحاج حسن
موجود قاله لا راح الاول قال لتانى انا علمتك الرزاله علمنى التناحة راح
اتصل بنفس النمرة وقال انا الحاج حسن محدش سأل عليا

======================================



مرة واحد من كتر حبه للموبيلات جاب بنت سماها شريحة

======================================



واحد ماشى ورا وحدة قالها الحلوة وراها مشوار قالتلة لا وراها حمار

======================================



مره واحد فتح الباب وقعد يصرخ بيقول حماتى هترمى نفسها من الشباك قالولو وانت زعلان ليه قالهم الشباك مش راضى يتفتح

======================================



مرة ترزى ماشى فى حتة مقطوعة خيطها

======================================



مرة حكم قاعد علي قهوه الصبى بيقولو عايز اية قالوا عايز واحد صفر وبسرعة

======================================



مرة واحد مربى كتكوت مفترس كل ميدخلوا فى عشة ياكل الى فيها راح رماه فى
الصحرا وبعد يومين الراجل حس بالذنب راحلو لقيه مرمى على الارض والنسور
والصقور بتحوم حوليه راح الراجل قله :حبيبى انت مت ولا ايه راح الكتكوت
قله : الله يخرب بيتك بوظت الكمين

======================================



مرة دبانة سقطت فى كاس خمرة طلعت تقول وسع للنسر

======================================



فريق نمل بيلعب ومن ضمنهم صرصار لية...؟ لاعب اجنبى

======================================



مره واحد كسلان اوى راح يحلق فالحلاق بيقله شعر ولا دقن قاله دقن قام الحلاق قاله طب ارفع راسك قاله خلاص خليها شعر

======================================



مره واحد بيقول لمراته اقولك نكته قالتله قول قالها نكته قالتله هيه بارد قالها هيه طالق

======================================



واحد قابل واحد بيجرى فى الشارع فسالة بتجرى لية قالة حماتى اشتريت لها
نصف كيلو سمك اكلته نىء اصيبت بشلل نصفى فقاله رايح تجيب لها الدكتور قاله
لا انا رايح اجيب لها النصف كيلو الثانى

======================================



مره واحد احول سالوه:ايه هى امنيتك في الحياة؟ قال اشوف واحد ماشى لوحده

======================================



بياع سمك ابنه مات . مشى فى الجنازة يقول كان صاحى وبيلعب

======================================



مرة واحد بلطجي حب يتروشن كتب علي الشومة اديداس

======================================



كمبيوتر طلق مراتة قالتله والسي دى اللى فى بطنى

======================================



مرة واحد سنانه كلها مخلعة ماعندوش غير انياب راح قدم على وظيفة شغلوه خرامة

======================================



فضاءين نزلو الارض في محطة بنزين مافيهاش حد فلفوا حولين مضخة بنزين لفوا
حوليها ورجعوا تاني فاصحابهم قالولهم :اية هو شكل سكان الارض فقالولهم :هم
تقريبا زينا بس بيناموا وهم واقفين و بيحطوا صباعهم في ودانهم

======================================



مرة واحد اكل رز معمر ضرب فى وشه

======================================



مره كان فى فار قاعد فى خمارة وبيسكر وهو بيشرب اول شفطه ويبص على
الحيوانات ولما يجى عند الاسد يبص له من فوق لتحت ويقول حد هيطلع عينه
انهارده وفضل كده لمدة يومين ففى ثالث يوم الاسد قال الواد ده بيبوص لى
كدا ليه فقام شده من ديله فقال الفار انا مش قلت حد هيطلع عينه انهارده

======================================



واحد سكران قاعد بيشرب خمرة وعنده بغبغان كل شويه البغبغان يقوله هات كاس
يقوله اقعد ساكت هنتفلك ريشك البغبغان يقوله هات كاس يقوله اقعد ساكت
هنتفلك ريشك جرس الباب رن قام يفتح فالبغبغان مسك الازازه شربها فلما
المسطول رجع قاله ايه ده ؟ قام البغبغان قاله شربت الازازه وادى الريش
اللى انت قارفنى بيه أهو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lurance
عضو جديد
عضو جديد
avatar

ذكر
عدد الرسائل : 34
العمر : 34
تاريخ التسجيل : 25/12/2007

مُساهمةموضوع: رد: احدث النكت   الخميس ديسمبر 27, 2007 12:44 pm

حلو يا معلم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
احدث النكت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Egypt Group :: القسم الترفيهي :: ๑۩۞۩๑منتدى النكت والوازير๑۩۞۩๑-
انتقل الى: